من عز نومي صحيت

مـن عـز نـومـي صحيت وشفت في عيني
دمـع تـهـادى عـلى جـفـنـي وأنـا غـافـي
=
سـتـرت دمـعـي بـكـمـي قـبـل يـغـريـنـي
وأخـذت هـذا الـجـسـد مـن بـاقـي لـحـافـي
=
وسـريت تـايـه ورى خـطـوات رجـليـنــي
لا الوجـه وجـهي ولا أوصافي هي أوصـافي
=
أمـشـي وأقـول لـطـريـقـي لاتـوديـنـي
لـعـيـون نـاس تـبـي تـدري عـن الـخـافـي
=
أمـانـتك .. خـلـها مـابـيـنك وبـيـنـي
خـابـرك يـالـدرب خـوة عـمــر وسـنــافــي
=
مـاودي الـنـاس تـدري وش يـبـكـيـنـي
كـرامـة الـنـفـس ورث أبـوي وأســـلافــي
=
أمـشـي وأحـس الخناجر في شراييني
والـبـرد يـمـشـي وراي ويـنـهـش أطـرافـي
=
وحـيـد والـلـيـل بـردونـه يـغـطـيـنـي
تـقـول كـن الـبـلد روح بـهـا الـســافــي
=
إلـيـن مـاأوحـيـت لـي صـوت يـنـاديـنـي
صـوت أعـرفـه مـثـل ما أجـهـل وش خـلافـي
=
قـمـت أتـلـفـت وأنـادي ... لاتـخـلـيـنـي
مـاغـيـره الـصـوت .. هـذا صـوتـه الـدافــي
=
ولـمـحـت زولـه مـن اقصى الدرب لاقيني
مـدري وش أقـول لـكـن حـي هـا الـلافــي
=
تـعـال .شف غيبتك كـيـف أثـرت فيني
تـعـال شفني وأنـا أغـرق عـقـب مـجـدافـي
=
تـعـال.. خـذنـي ورحـبـي مـن عـنـاويـنـي
تـعـبـت أعـدي عـلى جـمـرك وأنـا حـافـي
=
تـعـال وإقـطـف بصوتك زهرة سنيني
كـل الـمـواعـيـد عـقـبـك شـمـعـهـا طـافـي
=
تـعـال وإزرع خـصـل شـعـرك بـكـفـيـنـي
بـضـمـهـا لـيـن أحـس بـلـيـلـك الـظـافــي
=
تـعـال وش فـيـك خـايـف ؟ انت ناسيني
قـطـعـت صـوتـي عـلـيـك وطـال مـيـقـافـي
=
حـتـى بـديــت أشـعـر إن الـحـب معميني
وإن أنـت حـلـم عـثـى فـيـنـي وأنـا غـافـي
=
لـكـن أمـانـه تـرى الـلـي فـيني كـافـيـنـي
إن رحـت مـنـك كـذا مـارحـت مـتـعـافـي
=
بـصـّدق الـحـلم وأحـذر لا تـصـحـيـنـي
فـي خـاطـري كـلمـتـيـن وإن قـلـتـهـا كـافـي
=
أمـانـة الله عليك إن غـبـت عـن عـيـنـي
لا يـكـون قـلـبـك مـثـل قـلـب الـزمـن جـافــي
=
مـع كـل دمـعـه تـذكـر رعـشـة يـدينـي
ومـع كـل ضـحـكـه تـذكـر قـلـبـي الـوافـي

يسلمووووووووووووووو على الموضوع الحلوووو

صح لسانك الله لايحمنا من جديدك